ILOILO CITY – Padayon ang pagpanghatag sang ika duha nga hugnat sang Social Amelioration Program sang Department of Social Welfare and Development.
Sa interview sang Bombo Radyo kay May Castillo, tagpamaba sang Department of Social Welfare and Development Region 6, iya ginpahayag nga sang Hunyo 11 sang nag-umpisa ang distribution sang 2nd tranche.
Suno kay Castillo, gin-una sa pagpanghatag amo ang mga benepisyaryo sang Pantawid Pamilyang Pilipino Program (4Ps) sa syudad kag probinsya sang Iloilo lakip na sa Bacolod City.
Ginpahayag ni Castillo nga ang mga nakabaton sang 1st tranche ang kwalipikado sa pagbaton sang 2nd tranche sang cash assistance lakip na ang mga may moved-out status.
Para sa 4Ps beneficiaries nga yara na sa moved-out status, kinahanglan suno sa natungdan nga naka-tag na sa system sang Department of Social Welfare and Development.
Kasubong sa una, P6,000 ang mabaton sang kwalipikado nga benepisyaryo.
