ILOILO – Tubtob nalang subong nga adlaw ang pagpanghatag sang ayuda sa idalom sang Social Amelioration Program sa syudad sang Iloilo.
Sa interview sang Bombo Radyo kay Iloilo City Mayor Jerry Treñas, iya ginpahayag nga kadungan sang pagtakop sang pagpanghatag sang nasambit nga ayuda isa ka maayo nga balita nga wala pa sang nabaton nga reklamo ang City Government may kaangtanan sa pagpanagtag sang ayuda.
Suno kay Treñas, pagkatapos sang Social Amelioration Program magasugod naman ang pagpanghatag sang social pension sa mga senior citizen sa syudad nga nagabaton sang manubo sa P6,000 ka pension.
Nahibaluan nga paagi sa nasambit nga ayuda, makabaton sang tag P500 kada bulan ang mga senior citizen sa syudad sang Iloilo.
