ILOILO CITY – Kinahanglan nga mangin hayag ang pagpanghatag sang Social Amelioration Program kag iban pa nga ayuda nga ginahatag sang gobyerno.
Sa interview sang Bombo Radyo kay Roy Defiño, Director sang Department of the Interior and Local Government – Iloilo City, iya ginpahayag nga kinahanglan nga ipaskil sa barangay hall, health centers, barangay gym ukon sa mga lugar nga madali nga makita ang listahan sang benepisyaryo.
Suno kay Defiño, may yara na sang mandu si Sec. Eduardo Año tuhoy diri kag kinahanglan nga may yara sang documentation sa pagpanghatag sang cash kag food assistance.
Ginpahayag ni Defiño nga dapat activated man ang Project Monitoring Committee sa tagsa ka barangay agud nga masigurado nga wala sang dinayaay nga matabo.
