ILOILO CITY – Ginpasiguro ni Iloilo City Mayor Jerry Treñas nga maubos sa pagpanghatag ang cash assistance sa idalom sang Social Amelioration Program sa Mayo 7 nga deadline.
Sa interview sang Bombo Radyo kay Treñas, iya ginpahayag nga 61 pa lang sa 180 ka mga barangay sa syudad sang Iloilo ang nahatagan sang cash assistance.
Suno kay Treñas, wala nahingagaw sa pagpanghatag ang cash assistance sa una nga deadline sang Abril 30 bangud sa nagkalain-lain nga guidelines.
Sa subong, nakadepende na sa City Accountant kun ano kadasig ukon kahinay ang releasing sang pondo sang tagsa ka barangay.
