ILOILO CITY – Padayon pa gihapon ang pag-ugyon sang mga opisyal sang Brgy. San Isidro, Jaro, agud matumod kon diin nakatago ang nabilin nga peke nga kwarta nga ginapanag-iyahan sang suspek nga si Edmond Dela Torre.
Ini masunod nakumpiska na ang P47,000, apang santu sa pahayag sang suspek, P100K tanan ang iya dala nga 500-peso bill sa syudad sang siya ang nagpauli sang nagligad nga semana.
Sa interview sang Bombo Radyo kay Punong Barangay Felix Doreza sang Brgy. San Isidro, Jaro, iya ginpahayag nga ila ini ginasundan nga kaso ilabi na kay may ara laragway si Dela Torre gikan sa iya social media account nga nagahigda ini sa mga bundle sang kwarta.
Sang ginpamangkot ni Doreza, ginsiling sang suspek nga ini nga laragway ang ginkuha sang ara pa siya sa Manila.
Ginpahayag man ni Doreza nga namentionar sa iya sang suspek sang nagligad nga may ara sang i-ship nga minilyon nga peke nga kwarta padulong sa Cebu.
Sulit-sulit man nga ginasiling ni Doreza nga wala siya nagapati sa mga alegasyon ni Dela Torre bangud malain ang record sini sa ila barangay, kag nagapati man siya nga posible indi lang P100K ang dala sini nga peke nga kwarta kundi masobra pa.
