Ginpaathag sang isa ka abogado nga ang pagpanglu-ib ang makatuga sang psychological kag emotional violence kag paglapas sa RA 9262 ukon Anti-Violence Against Women (VAW-C) Act of 2004.
Sa interview sang Bombo Radyo kay Atty. Doni Almio, Bombo Abogado, iya ginpahayag nga ang marital infidelity ukon pagpangluib ang isa ka romantic relationship sa iban nga tawo ukon sa indi asawa kag bana.
Suno kay Almio, ang marital infidelity ang wala sang legal nga depenisyon tubtob subong sa idalom sang hurisdiksyon sang Pilipinas.
Gin-athag man sini nga makabig nga marital infidelity kon ang isa ka tawo ang nagapakighilawas sa indi sini legal nga asawa ukon bana.
Ginpahayag man sang natungdan nga mahimo man matawag nga “illicit relationship” ang pagpangluib regardless man kon ini ang sekswal ukon indi.
Gintumod man sang abogado nga ginakonsidera ini nga isa ka abuse kag violence sa bahin sang psychological kag emotional santo sa nakasaad sa layi kag korte.
