ILOILO CITY – Padayon ang ginapatigayon nga imbestigasyon sang mga kapulisan sa nagluntad nga pagpangluthang sa Brgy. Barasan, Pototan, Iloilo.
Ang biktima amo si Eden Dago-oc Villanueva, 55 anyos kag residente sang nasambit nga lugar.
Samtang ang suspetsado naman amo si Allan Parcon Ilisan, 45 anyos kag residente man sang nasambit nga lugar.
Sa interview sang Bombo Radyo kay Pol Staff Sgt Raffy Gonzales, imbestigador sang Pototan Municipal Police Station iya ginpahayag nga ginatan-aw nga kabangdanan sang pagpangluthang amo bangud sa daan nga hiligut-anon.
Nag agom sang apat ka igo sang bala sa iya nagkalain nga bahin sang iya lawas kag gilayon naman nga ginpadangat sa ospital.
Sa subong padayon na ang ginapatigayon nga hot pursuit operaion sang mga kapulisan agud madakpan ang suspetsado nga gilayon nga nagpalagyo matapos ang insidente.
