CARLES, ILOILO – Nagsabat ang Punong Barangay sang Asluman,Carles, Iloilo batuk sa mga reklamo nga nagapangolekta ang mga opisyles sang kwarta nagikan sa mga tawo nga nagalabay sa ila nga barangay.
Sa interview sang Bombo Radyo kay Punong Barangay Abelardo Montebon, iya ginpahayag nga ang ginasukot nga tag lima ka pesos sa mga motorista ang ginatawag nila nga toll fee.
Suno kay Montebon,ang pagpangolekta sang barangay ng kabahin sang ila ordinansa.
Madugay na nga ginahimo ang pagpangolekta sang kwarta sa diin nag umpisa pa ini sa nakaligad nga administrasyon gani ginpadayon lamang ni Montebon.
Pahayag sang punong barangay, kinahanglan ang pagpangolekta sang kwarta sa mga motorista bangud para man ini sa Kalahi project sa maintenance sang eskwelahan kag dalan.
Sa pagkamatuod dugang pa sang natungdan, aprubado man ang nasambit nga lihok sa Sangguniang Bayan.
