ILOILO CITY – Ginsuguran na sang Iloilo City government ang pagpanakop sa mga Badjao nga nagapamulya sa siyudad karon nga nagahilapit na ang Christmas season.
Apang wala sang may nadakpan ang katapo sang Public Safety and Transportation Management, nga mga Badjao sa distrito sang Mandurriao sa una nga adlaw sang pagpanakop sa mga ini.
Una nga ginkadtuan sang grupo ni Jeck Conlu, pinuno sang Public Safety and Transportation Management ang Mandurriao plaza apang nagdinalagan ang mga Badjao sang makita ang mga otoridad.
Sunod nga ginpadulungan ang Barangay Pali Benedicto sa Mandurriao apang wala man sang may nadakpan.
Ang pila sa mga ini ang naglulumpat sa suba.
Suno kay Conlu, magapahamtang na lang sila sang mga spotter nga amo ang magabantay sa mga Badjao kag kun makit-an ang mga ini sa isa ka lugar, gilayon pahibal-on ang Public Safety and Transportation Management agud masikop ang mga ini.