ILOILO CITY – Ginpaboran ni Iloilo City Mayor Jerry Treñas ang ginpagwa nga report sang Programme for International Student Assessment (PISA) nga nagapangaduha ang mga estudyante nga Pinoy halin sa pinakaulihi kun creative thinking ang pagahambalan.
Ini nga global assessment nga ginpatigayon sang tuig 2022 ang nag-takos sang creative thinking skills sang 15-anyos nga mga estudyante sa 64 ka mga pungsod kag teritoryo.
Sa interview sang Bombo Radyo kay Treñas, iya ginpahayag nga nagakadapat nga tutukan ang nutrisyon sang mga iloy nga nagabusong kag mangin sang ila kabataan agud mag-alam.
Suno kay Treñas, isa man ini sa mga rason sa pag-partner sang Iloilo City Government sa Bombo Radyo Philippines Foundation, Incorporated para sa Iloilo City Nutrition Center sa General Luna Street, City Proper.
Ang Nutrition Center ang may yara sang nutrition office ukon clinic sang City Health Office (CHO), nutrition-production area, kag function halls.
