ILOILO CITY – Padayon ang pagpaninlo sang mga pumuluyo sang Brgy. Rizal Pala Zone 1, Iloilo City bilang kabahin man sang ila kampanya sa pagtipig sang palibot.
Sa interview sang Bombo Radyo kay Barangay Kagawad Nelson Bulquerin sang nasambit nga lugar, magluwas sa kampanya batok sa Dengue
Hemorrhagic Fever, ang pagpaninlo sa palibot ang isa man ka pamaagi agud nga mahagan-hagan ang basura sa ila lugar.
Bangud nga coastal barangay ang ila lugar, ginpahayag ni Bulquerin nga ang iban sa mga pumuluyo ang may yara sang septic tank samtang may iban naman nga nagapabuslog lang sang higko sa mga kanal.
Kun tuhoy naman sa peace and order ang pagahambalan, ginpahayag sang natungdan nga sa tagsa ka gab-i, may yara sang mga naka duty nga barangay kagawad kaupod sa mga barangay tanod agud nga magbantay sa palibot.
