ILOILO CITY – Magadihon sang laye ang Kongreso para sa pagpanami sang mga pasilidad sa transportasyon kasunod sang 11 ka adlaw nga nautical highway tour sang mga miyembro sang manubo nga panalgan sang Kongreso.
Sa interview sang Bombo Radyo Iloilo, ginpahayag ni Iloilo City Rep. Jerry Trenas nga mangin basehan sang mga kongresista ang ila ekperyensiya sa 11 ka adlaw nga paglibot sa pungsod paagi sa Roll-On-Roll-Off (RO-RO) transportation.
Nag-agi sa siyudad sang Iloilo ang delegasyon nga ginapangunahan ni House Speaker Pantaleon Alvarez, House Majority Leader Rodolfo Farinas, Rep. Reynaldo Umali kag iban pa.
Sa exclusive interview sang Bombo Radyo Iloilo, ginpahayag ni Alvarez nga santo sa ila obserbasyon, may mga dalan nga kinahanglan kay-uhon, mga pier nga dapat butangan sang airconditioning units.
Panahon naman suno kay Alvarez nga repasuhon ang pagpanukot sa mga pasahero kag iban pa nga kargamento kun sa diin madamo ang makabenepisyo suno sa kongresista, kung panubuan ang pagpanukot.
Nagalaum ang mga miyembro sang manubo nga panalgan sang Kongreso nga pagkatapos sang tour, mapasanyog pa ang mga pasilidad sa mga puerto sa pungsod.
Ginsuguran ang nautical highway tour sa Luzon antes nagpadulong sa Boracay kag Caticlan.
Gikan sa Iloilo, nagpadulong ang mga ini sa Bacolod antes magdiretso sa Mindanao.