ILOILO CITY  —Ginmandu-an na sang City Administrator ang Special Services Unit (SSU) nga imbestigahan ang padayon nga pagpanukot sang Jaro Association of Barangay Captains (ABC) sa mga nagasulod sa Jaro Plaza.
Suno kay Atty. Hernando Galvez, City Administrator, personal sini nga ginmandu kay Zella Gil, pinuno sang Special Services unit (SSU), ang pag-imbestiga diri kag pagsumite sang nagakaigo nga report.
Magluwas sa padayon nga pagpanukot, ginalauman man ni Atty. Hernando Galvez nga malakip sa report
sang SSU ang naobserbahan sang Bombo Radyo nga pagbaligya sang makahulubog nga ilimnon kag ukay-ukay amo man ang mga pasugal sa sulod mismo sang jaro Plaza.
Ginpasiguro ni Galvez nga tun-an nila sang maayo ang mangin report sang SSU kag obrahon sang syudad ang nagakiago nga lihok angot sa isyu.