ILOILO CITY – Makabig nga best option ang pagpasaka sang kaso may kaangtanan sa paglapas sa Anti-Graft and Corrupt Practices Act sa Office of the Ombudsman batok sa mga opisyal kag empleyado nga naulamid sa ginapahayag kurapsyon sa Philippine Health Insurance Corporation.
Sa pagpaathag sang law expert nga si Atty. Joenar Pueblo, manabat gid sa kasuguan ang sin-o man nga naulamid sa kurapsyon ilabi na ang may kaangtanan sa Universal Health Care Law.
Suno kay Atty. Superio, mabug-at ang silot sa criminal, administrative kag civil case ilabi na kun matukiban nga guilty ang ginareklamo.
Ginpahayag ni Atty. Superio nga ang ginapahayag overpriced IT equipment nga ginbakal sang PhilHealth ang isa na ka ground sang paglapas sa Anti-Graft and Corrupt Practices Act.
Ang government ukon public official nga mapamatud-an nga kurakot ang mahimo nga mapreso sang indi magubo sa 6 ka tuig depende sa desisyon sang korte, mahimo man nga mapamatbatan sang perpetual disqualification to hold public office kag mahimo man nga bawion ang propedad sang isa ka opisyal kun mapamatud-an nga ang kwarta nga gingamit sa pagbakal sini ang naghalin sa kaban sang gobyerno.
Sa pagpatigayon sang imbestigayson, ginpahayag sang natungdan nga ang Ombudsman kag ang Commission on Audit ang nagabuligay agud nga mahatagan sang kasulbaran ang tanan.
