Ginpangunahan sang Philippine Statistics Authority (PSA) ang selebrasyon sang Civil Registration Month — isa ka tuigan nga selebrasyon nga may kaangtanan sa mandato sang PSA sa pagpatuman ang civil registration functions sa pungsod sandig sa Presidential Proclamation No. 682 nga ginpirmahan sang Enero 28,1991 ni anay Presidente Corazon Aquino nga nagadeklara sa bulan sang Pebrero bilang Civil Registration Month.
Sa interview sang Bombo Radyo kay Nelida Amolar, officer-in-charge sang Philippine Statistics Authority (PSA) Region VI, iya ginpahayag nga katuyuan sini nga mapabaskog kag ma-intensify ang commitment kag adbokasiya sang PSA sa pagdala sang epektibo kag episyente nga civil registration kag vital statistics sa mga kliyente kag stakeholders.
Ang 32nd Civil Registration Month Celebration subong nga tuig, ang may tema nga: “Improving Civil Registration and Vital Statistics Implementation Strategies through Digital Transformation.”
Suno kay Amolar, kalakip sa ila mga ginapatigayon nga aktibidad subong bulan amo ang display of streamers, mobile registration, trainings, information, education, kag communication materials, civil registration quiz bee, kag poster and slogan making contest.
Nagalunsyar man ang PSA Central Office sang 1st Civil Registration and Vital Statistics (CRVS), Nationwide Quiz Bee para sa Civil Registration Service (CRS) outlet supervisors, free copy issuance sang birth and marriage certificates para sa una nga 100 clients, consultation para sa PSA employees sa civil registration concerns, lecture series sa CRVS para sa PSA employees, culmination activity ukon CRVS Data Dissemination Forum para sa Inter-Agency Committee on Civil Registration and Vital Statistics (IACCRVS), kag 2nd CRVS Nationwide Quiz Bee para sa Local Civil Registry Offices.
