Ginatutukan sang Isla sang Boracay ang pagpasangkad sang numero sang mga turista apisar sang COVID-19 pandemic.
Sa interview sang Bombo Radyo kay Gil Delos Santos, Malay-Aklan Tourism Information Officer, iya ginpahayag nga dako ang kontribusyon sang Boracay sa tourism industry indi lamang sa Western Visayas kundi sa bug-os nga Pilipinas.
Suno kay Delos Santos, umpisa nga ginsarado ang isla sang 2019, nagbalik ini subong bilang kag may rebranding nga ‘Boracay, Better Than Never’.
Ginpahayag ni Delos Santos nga nahitso na sang Isla ang mga environment issues agud mangin sustainble ini sa madugay nga panahon.
Kadungan sang pagbangon sang Boracay, gin-ako ni Delos Santos nga nagtuhaw man ang mga komptensya nga tourist destination sang Isla kaangay sang Siargao kag Bohol.
Apang apisar sang mga pagpanghangkat sa turismo nga gina-atubang sang Boracay, nagapabilin suno kay Delos Santos bilang number 1 choice sang mga turista ang isla.
Ginpakamaayo man suno sa natungdan sang Aklan Provincial Government nga maghiwat sang pila ka marketing campaign.
Lakip na diri ang 24/7 tourist information hotlines agud ma-akomodar ang tanan nga palamangkutanon sang mga turista nga luyag magbisita sa Isla sang Boracay.
