ILOILO CITY – Ang pagpasangkad sang physical kag mental aspect ang ginatutukan sang 19 anyos nga kandidata sa Miss Iloilo 2020.
Sa interview sang Bombo Radyo kay Sharamie Solocio, sang Sta. Barbara, Iloilo, todo na ang iya nga pagpanghanda para sa nasambit nga pageant.
Suno kay Solocio, ang mental kag physical aspect ang iya gintutukan bangud ini ang kinahanglan niya agud mapauli niya ang korona.
Ginpaidalom man ni Solocio nga naga-diet siya agud nga mangin physically fit sa tion sang coronation night.
Inspirasyon sang 19 anyos nga kandidata ang iya iloy nga all out support sa iya career sa patag sang pageantry.
Nahibaluan nga patigayunon ang pageant night sang Miss Iloilo 2020 sa Enero 2 sa West Visayas State University Cultural Center nga may tema nga ‘People think you are not good enough but, if you believe in yourself you’ll see the best version of you’.
