MANILA – Bisan si Iloilo 5th District Rep. Raul “Boboy” Tupas ang nakibot may kaangtanan sa pagpasar sang P4.5 trillion nga 2021 national budget sa second reading sa Kamara.
Paagi sa viva voce voting, gin-aprobahan sang mga mamalidha ang House Bill No. 7727 ukon General Appropriations Bill (GAB).
Sa interview sang Bombo Radyo kay Tupas, iya ginpahayag nga wala niya ginlauman nga aprobahan na kaina sang hapon, Oktubre 6, ang national budget para sa masunod nga tuig.
Sa pagkamatuod suno kay Tupas, kaina sang kaagahon sang natapos ang interpellation sang iya ginapamunu-an nga Committee on National Defense and Security tuhoy sa budget sang Department of National Defense kag Armed Forces of the Philippines.
Bangud nga may yara sang ginasunod nga schedule, ginpahayag ni Tupas nga indi tanan nga mamalidha ang maakomodar kag mahatagan sang tion agud nga makapabutyag sang sintemyento tuhoy sa national budget.
Mahimo suno sa natungdan nga ang mosyon ni Cayetano nga aprobahan ang national budget ang isa lamang ka paagi agud nga mapaayo ang output sang Kamara.
Matapos nga isa ka semana nga nagtemprano ang break sang Kamara nga magalawig tubtub sa Nobyembre 16, may yara pa sila sang tion agud nga matutukan ang personal district report paagi sa pagpatigayon sang individual budget amendments.
