ILOILO CITY – Nakahanda nga ipa-iway sang proponent Councilor sang ginaduso nga ‘Septage Management Ordinance’ sa syudad ang pagpasar sang amo nga ordinansa.
Sa interview sang Bombo Radyo kay Kagawad Rleone Gerochi ginpahayag sini nga nakapatigayon na siya snag serye sang public consultation apang daw kaangay nga kulang pa gid ang impormasyon para sa amo nga lokal nga hagna.
Suno pa sa konsehal, madamu sa gihapon sang mga sentimyento kag nagapabutyag sang ila opinyon tuhoy sa ordinansa gani nakahanda ini nga magpatigayon sang pila pa gid ka hugnat sang Committee Hearing.
Ginapasiguro man sini sa mga pumuluyo nga indi ang mga ini matam-an sang gasto sa pagpatuman sang Septage Management bangud iya man ginakonsiderar ang pamaagi sa pagsuktanay.
Nahibaluan nga sa amu nga ordinansa, ginamandu ang pagpahamtang sang septic tank sa kada balay kag pagpasuyop sini sa kada lima ka tuig.
Ang ginaduso nga ordinansa ang tungod man sa natalupangdan nga pagpatumbaya kag pagpabuslog gid lamang sang pila ka mga pumuluyo sa drainages sa palibot snag syudad sang Iloilo.