ILOILO CITY – Ginpanginwala ni Police Regional Office 6 (PRO-6) director Chief Supt. John Bulalacao ang mga impormasyon nga “regalo” kuntani para kay Presidente Rodrigo Duterte sa iya pagpadulong sa siyudad sang Iloilo sang damlag lang ang pagpatay kay Punong Barangay Remia Prevendido-Gregori sang Bakhaw, Mandurriao, Iloilo City.
Santu sa mga impormasyon nga nakalab-ot sa Bombo Radyo, naulihi lang ang pag-operate kay Gregori bangud nga para ini kuntani sa pag-abot sang presidente.
Apang sa interview sang Bombo Radyo, ginpahayag ni Bulalacao nga kun may regalo man sila sa presidente, dapat nga good vibes kag indi masubo.
Pabay-an anay suno sa PRO-6 chief ang mga otoridad nga mag-imbestigar sa kamatayon ni Gregori.
Nahibaluan nga yara sa drug watchlist sang Police Regional Office 6 kag Philippine Drug Enforcement Agency ang pangalan ni Punong Barangay Gregori nga utod sang top drug lord sa Western Visayas nga si Richard Prevendido.