ILOILO CITY – Ginpabugal ni Iloilo City Mayor Jose Espinosa III ang nangin madinalag-on nga paghiwat sang Dinagyang festival 2019.
Sa interview sang Bombo Radyo kay Mayor Espinosa, iya ginpahayag nga wala sang may narecord nga major incidents ang Police Regional Office (POR) 6 kadungan sa pagsaulog sang 3 ka adlaw nga aktibidad.
Nangin maayo man suno kay Espinosa ang pagpatigayon sang tagsa ka aktibidad rason nga wala man sang nangin programa ilabi na sa awarding ceremony.
Ang mga negosyante nga may yara sang kiosko ang ginpahangop na sang Iloilo dinagyang foundation Incorporated (IDFI) nga magpahamtang sang basurahan kag dapat nga limpyuhon ang pagpreparar sang ginabaligya nga pagkaon.
Sa pihak sini, ginpahayag sang alkalde nga may yara sa gihapon sang adjustment nga patigayunon sa masunod nga Dinagyang festival kasubong sang crowd control kag ang pagbutang sang barikada sa bag-o nga Iloilo Freedom Grandstand.
Magluwas diri, dapat man nga sentrohan sang city government kun paano malikawan ang paglapta sang madamua nga basura sa palibot sang syudad.
