ILOILO CITY – Madugay na nga ginahandaan sang Department of Education ang pagpatuman sang flexible learning arragement may kaangtanan sa pagpatigayon sang klase.
Sa interview sang Bombo Radyo kay Engr. Nilo Jardeleza, miyembro sang Academe, iya ginpahayag nga sang Agosto 22, 2019, may yara sang order ang Department of Education nga magpatigayon sang survey may kaangtanan sa pagpatigayon sang flexible learning kasubong sang blended, modular, online kag iban pa nga alternatibo nga teaching strategies.
Suno kay Jardeleza, antes pa man ang COVID-19 pandemic, may plano na gid man ang ahensya nga magpatuman sang flexible learning depende sa sitwasyon sang mga estudyante.
Kun sa bahin sang Department of Education, ginsaylo sa Oktubre 5 ang klase apang sa bahin naman sang Commission on Higer Education, maga-umpisa ang klase antes pa man ang Setyembre 1 santo sa nakasaad sa layi.
May kaangtanan sa numero sang estduyante, ginpahayag sang natungdan nga madamo sa gihapon ang enrollees sa kolehiyo depende sa kurso.
