CHINA – Gin-aprobahan na sang China ang pagpatigayon sang human testing para sa potential coronavirus vaccine nga gin-cultivate sa insect cells.
Santo sa abiso sang Chengdu City Government, insect cells ang gingamit sa pag-cultivate sang protien para sa coronavirus vaccine kag ang nasambit nga pagtuon ang labing una nga ginpatigayon sa China.
Ang bakuna nga gin-develop sang West China Hospital sang Sichuan University sa Chengdu ang nakabaton sang approval gikan sa National Medical Products Administration para sa clinical trial.
Sang gin-inject sa amo ang bakuna, nagapakita nga ini ang epektibo sa pagtapna sang SARS-CoV-2 infections nga wala sang obvious side-effects.
Sa subong, indi magnubo sa walo ka potential coronavirus vaccines ang ginapaidalom sa clinical trials sang Chinese scientists.
Ang foreign players kasubong sang BioNTech sang Germany kag Inovio Pharma sa Estados Unidos ang nagpakig-angot na sa local firms agud magpatigayon sang test sang experimental vaccines sa China.
