THAILAND – Back to normal na ang pagpatigayon sang klase sa Thailand apisar sang COVID-19 pandemic.
Suno kay Bombo International Correspondent Rinse Galupo, manunudlo sa Thailand, iya ginpahayag nga face to face classes na ang ginapatigayon humalin sa Elementary tubtub sa College.
Ginpahayag ni Galupo nga ginapasuksok sang face mask ang mga estudyante kag gina-check gid ang body temperature sa tion nga magsulod sa school campus.
Sa pagkamatuod suno kay Galupo, nakapatigayon na sang sports fest ang iban nga eskwelahan kun sa diin wala na ginapasuksok sang face mask ang mga estudyante nga nagapakigbahin sa nasambit nga aktibidad.
Limitado ang problema sa resources para sa pagtuon sang mga estudyante bangud nga full support ang gobyerno sang Thailand sa Ministry of Education.
Sa pagpadulong naman sa mga pampubliko nga lugar kasubong sang merkado, indi na madatory ang pagsuksok sang face mask.
