NEVADA, USA – May pila ka mga disbentaha nga nakita ang mga botante may kaangtanan sa mail-in voting sa Estados Unidos.
Suno kay Bombo International Correspondent Raul Sabido, team leader sang isa ka volunteer group sa Las Vegas, Nevada, ang Universal Mail Voting ang napasar sang Hulyo 31 kag ang balota ang nabaton sang registered voters sa una nga semana sang Oktubre.
Ginpahayag ni Sabido nga sang una, wala sang mail-in voting sa Nevada apang bangud sa pandemic, ini ang ginpatuman kag ginpaboran naman ni Gov. Steve Sisolak nga isa ka Democrat.
Sa idalom sang Universal Mail Voting, ang tanan nga registered voters santo sa record ang Nevada Department of Motor Vehicles ang ginapadal-an sang balota kag madamo naman ang nagakwestyon bangud nga indi updated ang listahan.
Sa pagpaathag ni Sabido, bisan ang mga residente nga wala na sa Nevada ukon ang mga napatay na ang nakalista sa gihapon sa record sang Nevada Department of Motor Vehicles kag ang balota ang gina-deliver sa ila address.
May kaangtanan diri, ginpahayag sang natungdan nga may mga residente nga bag-o lang nagsaylo sa Nevada ang nakabaton sang balota bangud nga sila na ang naga-istar sa balay ukon apartment nga gina-istaran sang mga personalidad nga yara sa listahan.
Magluwas diri, ginakwestyon man sa korte kun nga-a ginpanubu-an sa 40% ang register sang voting machine nga santo sa manufacturer, nagakadapat nga 50% ang standard.
Ang voting machine suno sa natungdan ang makabasa sang 18,000 official ballots santo sa signature ukon pirma sang botante.
