ILOILO CITY – May yara sang nagakalain-lain nga pamaagi ang tagsa ka Punong Barangay kun paano ipatuman ang Oplan Hawan sa ila tagsa ka lugar.
Ini ang reaksyon ni Punong Barangay Eduardo Dingcong sang Katilingban, Molo, Iloilo City may kaangtanan sa clearing operations sa ila barangay.
Sa interview sang Bombo Radyo kay Dingcong, iya ginpahayag nga sa ila lugar, ginabanta yara sa 90% tubtub 95% ang accomplishment kun clearing operations ang pagahambalan.
Suno kay Dingcong, ang mga nagabiyahe sang sikad ang mayor niya nga ginaproblema apang umpisa sang ginmandu ang Oplan Hawan, iya nga ginsapol ang mga trisikad driver nga indi magparking sa higad sang dalan.
Magluwas sa trisikad drivers, wala man sang mga sidewalk vendor nga nagasablag sa dalan.
Sa pihak sini, ginpahayag sang natungdan nga mabudlay malab-ot ang 100% sa clearing operations.
