KUWAIT – Obligado ang mga pumuluyo sa Kuwait nga indi anay maghiwat sang dalagku nga pagtilipon bangud sang coronavirus disease 2019 (COVID-19) scare.
Sa interview sang Bombo Radyo kay Oliver Diong, tumandok sang Dumangas, Iloilo, apang subong presidente sang Coalition of Filipino Community on Kuwait, iya ginpahayag nga ginmadu na sang gobyerno ang pagsuspinde sang amo nga mga aktibidad.
Suno kay Diong, ginamultahan ang kun sin-o man nga madakpan nga nagalapas sa amo nga pagsulundan.
Sa tunga sang kahangawa nga malatnan sa ng virus, suno sa natungdan, nagagamay na lang ang mga tawo nga nagakadto sa shopping malls.
Siraduhan man ang mga eskwelahan halin sa kindergarten tubtob sa college halin sa Marso 1 tubtob 14.
Sa bahin naman sang stock sang grocery, ginpahayag ni Diong nga madasig nga nagakaubos ang alcohol, partikular na ang Philippine-brand.
Dugang pa ni Diong, ginpasirado man ang mga balaligyaan nga nad
akpan nga nagpataas sa presyo sang face mask.
Nahibaluan nga sa subong, naglab-ot na sa 56 ang kumpirmado nga kaso sang COVID-19 sa Kuwait, kag kalabanan sang mga infected ang nagikan sa Iran.
