MANILA – Ginaduso ni Senator Ronald “Bato” Dela Rosa nga magpatigayon sang senate hearing sa ginapahayag coordinated inauthentic behavior sang fake accounts kag pages nga gindula sang Facebook.
Suno kay Dela Rosa, paagi sa senate hearing, mahibalu-an kun bala matuod gid man ang tuhoy sa ginapahayag fake news nga ginapalapta sang mga peke nga account.
Ginpahayag ni Dela Rosa nga ginahulat pa ang mangin aktu sang Committee on Justice and Human Rights kag sang Committee on Mass Media may kaangtanan sa iya ginpasa nga resolusyon.
Apisar sini, ginpahayag ni Dela Rosa nga wala niya ginaduso ang pagdumili sang nasambit nga social media platform sa pungsod bangud nga makabig ini nga very crucial kun sa diin 77 million nga Filipinos ang mahimo nga maapektuhan.
Sang katapusan sang Setyembre, gin “take down” sang Facebook ang mga ginadudahan nga fake accounts kag pages nga naangot sa Philippine military kag police bangud sa paglapas sa community standards.
Ini naman ang nagduso kay Presidente Rodrigo Duterte nga kwestyunon ang padayon nga pag-operate sang Facebook sa Pilipinas.
