ILOILO CITY-Nakadepende sa mga alkalde sang tagsa ka mga banwa sa probinsya sang Iloilo ang pagdesisyon kun bala pahanugutan ang pagpatigayun sang fiesta.
Ini matapos nga ginpahanugutan na sa executive order kag mismo sa guidelines sang Inter-Agency Task Force ang pagpatigayon sang mass gatheringapang limitado lamang ang dapat nga magtambong.
Sa interview sang Bombo Radyo kay Iloilo Governor Arthur Defensor Jr., iya ginpahayag nga mahimo na nga makapatigayon sang fiesta apang 50% lang sang venue capacity ang dapat nga magtambong.
Suno kay Defensor, nakadepende na sa alkalde sang banwa kun bala pahanugutan ang fiesta ilabi na kun masarangan man lang ang pagpatuman sang physicial distancing.
Ginpahayag ni Defensor nga pila ka mga alkalde ang nagpahayag nga indi pa nila mapahanugutan ang pagpatigayon sang fiesta kag iban pa nga mass gathering.
