DOMINICAN REPUBLIC– Wala sa gihapon ginapahanugutan ang pagbalik sang misa sa Dominican Republic, bangud sa padayun nga pagtaas sang kaso sang Coronavirus Disease 2019.
Sa interview sang Bombo Radyo kay Bombo International Correspondent Fr. Kevin Magarzo Saministrado, iya ginpahayag nga indi pa sila mahimo makapatigayun sang misa sa mga simbahan, rason nga ginapaagi nalang ini sa internet kag telebisyon.
Suno kay Saministrado, nagbalik na ang sektor sang transportasyon sa nasambit nga lugar, kag madamo na ang nagbalik sa ila trabaho.
30% lang sang mga pasahero suno kay Saministrado, ang mahimo maakomodar sang train kag sang mga bus.
Bangud sa COVID 19 suno sa iya ,mas naghugot pagid ang pagatuo, kag pagkilala sang mga tawo sa Ginoo, nga makaluwas sila gikan sa epekto sang pandemya.
Dugang pa sang natungdan sa subong, kinahanglan nga ang mga negatibo nga gina-isip sang tagsa-tagsa ,ang bayluhan sang positibo nga panan-awan, kag kabigun ini nga tion agud mas mangin malapit sa pamilya.
Nahibaluan nga ang malta ang may yara sang 14,422 ka kumpirmado nga kaso, 7,854 ang nakarekober kag 458 ang nagkalamatay.
