ILOILO CITY – Nagakinahanglan pa nga tun-an kun bala dapat nga magpatukod ang syudad sang Iloilo sang cultural center.
Ini ang sabat ni Lawrence Charles Salazar, pinuno sang cultural heritage section sang National Commission for Culture and the Arts (NCCA) sa pahayag ni National Economic and Development Authority (NEDA) Region 6 Director Ro-Ann Bacal nga kinahanglan nga may yara sang cultural center ang syudad sang Iloilo para hiwatan sang international concerts kag event.
Sa interview sang Bombo Radyo kay Salazar, iya ginpahayag nga nagakinahanglan anay nga magpatigayon sang feasibility study agud mahibalu-an kun bala nagakadapat ukon indi ang panugyan ni Bacal.
Suno kay Salazar, madamu subong ang art hub sa syudad sang Iloilo nga mahimo hiwatan sang cultural events.
Kadungan sini, gin-agda man ni Salazar ang tanan nga local artist ngamagpakigbahin sa 2020 cultural grants nga may yara sang P95 million nga pondo.
Katuyu-an sang nasambit nga programa amu nga itib-ong ang mga local artist kag hatagan sang pagkilala sa ila kontribusyon sa patag sang culture and arts.
