𝗜𝗟𝗢𝗜𝗟𝗢 𝗖𝗜𝗧𝗬 — Labing-importante para sa isa ka doktor ang pagpaidalum sa circumcision ukon pagpatuli bangud isa ini ka paagi agud nga mapanubo ang risk nga makaagum sang sexually transmitted diseases.
Sa interview sang Bombo Radyo kay Dr. Roberto Alfabeto, Chief of Hospital sang Don Valerio Palmares Sr. Memorial District Hospital, iya ginpahayag nga ang pagpatuli ang indi lamang isa ka hygienic nga pamaagi agud mangin malimpyo sa lawas, bangud isa man ini ka palaagyan agud maprotektahan ang imo partner batok sa cervical cancer.
Suno kay Afabeto kag santo sa pagtuon sang Africa kag United States, nagaguwa nga ang mga natuli nga lalaki ang may mas manubo nga tsansa nga makakuha sang human immunodeficiency virus (HIV).
Dugang diri, nagaguwa sa duha ka trials sang pagtuon sang Amerika nga ang pagpatuli ang makabuhin man sang 28% to 34% risk nga makakuha sang heterosexually acquired sexually transmitted infections (STIs).
Ginpahayag man ni Alfabeto nga ang circumcision ang ginakonsidera man nga isa ka tradisyonal nga transition halin sa boyhood to manhood.
Nahibaluan nga sa subong, ang Pilipinas ang may 92.5% nga mga natuli nga kalalakihan.
