ILOILO – Naplastar na ang mga pagsulundan tuhoy sa pagpatuman sang border restrictions sa probinsya sang Iloilo.
Ini ang ginpahayag sa Bombo Radyo ni Iloilo Gov. Arthur Defensor Jr. may kaangtanan sa kahandaan sang Iloilo Provincial Government sa bulig sang Iloilo Police Provincial Office.
Suno kay Defensor, gin-ilisan ang level sang pagpatuman sang checkpoint sa bug-os nga probinsya bangud sa nagataas nga kaso sang Coronavirus Disease 2019 (COVID-19).
Ginpahayag ni Defensor nga kinahanglan nga mangin balanse ang pagpatuman sang border restrictions bangud nga mahimo man nga maapektuhan ang ekonomiya sang probinsya.
May kaangtanan diri, ginpahayag ni Provincial Administrator Atty. Suzette Mamon nga may yara sang apat ka talatapan nga mahimo mapakig-angutan may kaangtanan sa ginapatuman nga border restrictions.
Ang apat ka mga talatapan amo ang mga masunod:
Provincial Health Office
Public Employment Service Office
Provincial Disaster Risk Reduction and Management Office
Provincial Legal Office
Naka-post man sa official Facebook page sang Iloilo Provincial Government ang mga requirments may kaangtanan sa pagsulod sa border sang Iloilo.
Gin-athag sang natungdan nga exempted ang delivery sang essential kag basic goods apang kinahanglan nga may yara sang kumpleto nga dukomento ang driver kag ang pahinate.
