Nagapati ang isa ka water refilling station nga makabulig ang tikang nga ginaduso sang Iloilo City Government nga ipaidalom sa random testing ang mga refilling station sa syudad.
Sa interview sang Bombo Radyo kay Arjay Rojo, nagapanag-iya sang water refilling station, iya ginpahayag nga bilang nagapanag-iya man sang tubigan, tagsa ka bulan, nagapa-analyze gid sila sang ila potable water agud nga mapabilin ini nga limpyo.
Suno kay Rojo, may mga nagapadulong man nga personnel sang city government sa iya tubigan agud nga sekyaron ang kalidad sang tubig paagi sa pagkuha sang example kag pagpaidalom sa mga tests.
Ginpahayag man sini nga bukas sila sa tikang sang syudad nga random testing agud nga maka-comply man sa mga rekisitos.
