Kinahanglan nga magproseso sang permit ang sin-o man nga may plano nga mag-request sang road closure duha ka semana antes ang pagpatigayon sang ano man nga political event sa syudad sang Iloilo.
Sa interview sang Bombo Radyo kay Mr. Jeck Conlu, pinuno sang Public Safety and Transportation Management Office (PSTMO), iya ginpahayag nga kinahanglan magkuha sang permit ang mga organizers agud makahatag sila sang traffic assistance.
Suno kay Conlu, nagakadapat nga maaprubahan sang Iloilo City Council ang request sang road closure bangud indi dapat maapektuhan ang byahe sang mga Public Utility Vehicles (PUV) kag mga commuters.
