ILOILO CITY – Breath analyzer na ang ang kulang nga equipment may kaangtanan sa pagpadayon sang pagpatuman sang Traffic Discipline Zone sa Sen. Benigno Aquino Jr. Avenue, Mandurriao, Iloilo City.
Ini ang ginkumpirma sa Bombo Radyo ni Public Safety and Transportation Management Office head Jeck Conlu.
Suno kay Conlu, naatrasar ang pagbakal sang breath analyzer bangud sa Coronavirus Disease 2019 (COVID-19) pandemic.
May kaangtanan diri, ginpahayag ni Conlu nga may yara na sang go signal gikan kay Mayor Jerry Treñas nga ipatuman na sa Hunyo 1 ang Traffic Management Plan for 2020.
Bangud sini, ipaaprobahan na sa sesyon sang Sangguniang Panglungsod sa masunod nga semana ang tuhoy sa traffic experimentation kag ang rerouting plan.
Naka-umpisa na ang City Engineer’s Office sa pagpahamtang sang markings sa mga pampubliko nga lugar may kaangtanan sa ginapatuman nga physical distancing.
Ginpahayag ni Conlu nga 1 meter ang distansya sang markings nga ginpahamtang sa loading kag unloading areas kag sa mga palibot sang merkado.
May kaangtanan diri, 200 ka personnel ang igadugang sa compliance team nga ginabug-usan sang nagkalain-lain nga talatapan sa Iloilo City Hall.
Ang compliance team ang gintunga sa tagsa ka distrito agud nga magbantay kun bala ginasunod ang protocol nga ginapatuman sa bug-os nga syudad.
