Tinghuaan sang Department of Labor and Employment kaupod man ang Overseas Workers Welfare Administration kag iban pa nga mga ahensya sang gobyerno nga papulion ang ginabanta sa 24,000 ka mga stranded nga Overseas Filipino Workes antes pa man ang ginhatag nga deadline ni Presidente Rodrigo Duterte sa Hunyo 1, 2020.
Suno kay Department of Labor and Employment Sec. Silvestre Bello III, nagadugang kada adlaw ang numero sang mga napapauli nga mga OFW nga negatibo sa Coronavirus Disease 2019 (COVID-19) kag may yara na sang cerificate gikan sa Bureau of Quarantine.
Dugang sang natungdan, sang lunes lang Mayo 25, nagdangat na sa 2,900 ka mga OFW gikan sa nagkalain-lain nga quarantine facilities sa Metro Manila ang nakapauli na sa ila tagsa ka mga lugar sakay sang mga commissioned bus kag chartered flights.
Kahapon nagdangat naman sa halos 4,000 ka mga OFW ang nakapauli naman sa ila mga lugar.
Santo sa pahayag ni Bello, lauman nga magataas pa ang numero sini sa mga masunod nga inadlaw.
May yara naman sang nakuha nga barko ang nasambit nga ahensya nga magabulig sa pagpauli sang mga stranded nga OFW sa Metro Manila.
