ILOILO – May yara na sang go signal gikan sa Iloilo Provincial Government ang pagpauli sang mga Locally Stranded Individual nga yara sa Manila North Harbor Port, Inc.
Ini ang may kaangtanan sa pahayag sang Locally Stranded Individuals nga kinahanglan nga may yara sang letter of acceptance ukon manifesto gikan sa Local Government Unit antes sila pahanugutan sang shipping company nga makasakay sa barko.
Sa interview sang Bombo Radyo kay Gov. Arthur Defensor Jr., iya ginpahayag nga may yara na siya sang instruction nga pahanugutan na nga makapauli ang mga Ilonggo nga na-stranded sa Metro Manila.
Suno kay Defensor, indi siya maluyag nga masulit ang natabo sang nagligad nga binulan nga may yara sang moratorium sa bug-os nga Western Visayas rason nga madamo ang wala nakapauli sa Iloilo.
Ginpahayag ni Defensor nga gina-ayo lang niya sa shipping company nga may limitasyon ang tagsa ka trip agud nga matatapan man sang tagsa ka Local Government Unit ang mga nagapauli nga residente.
