GUIMBAL, ILOILO– Nangin matalunsay ang proseso sang pagpauli sa syudad sang Iloilo kag pagpadulong sa quarantine facility sang duha ka mga Overseas Filipino Workers nga tumandok sang Guimbal, Iloilo.
Sa interview sang Bombo Radyo kay Iloilo Vice Governor Christine ‘Tingting’ Garin, iya ginpahayag nga nangin maayo kag matawhay ang proseso sa diin una na nga ginkuhaan sang swab sample ang duha ka OFW sa syudad sang Iloilo antes gindala sa municipal quarantine facility sa Guimbal National High School.
Suno kay Garin, halos duha ka semana ang nangin preparasyon para sa pag-abot sang duha ka OFW.
Ginpahayag ni Garin nga ‘secure’ ka tama ang pasilidad bangud may yara sang mga nagabantay sa palibot, kumpleto sa gamit, may wifi kag may manami nga ambience.
Sa bahin naman sang pagkaon suno sa bise gobernador, ang pamilya mismo sang mga OFWs ang nagaluto kag ini ang ginakuha lang sang tiglawas sang Local Government Unitagud dal-on sa quarantine facility.
