Gin-athag sang National Electrification Administration (NEA) nga para sa pagpasangkad sang Power Distribution Industry ang polisa nga ila gindihon agud sila na mismo ang maga-take-charge sa hiring ukon pag-appoint sang mga General Manager sa Electric Cooperatives (ECs).
Katuyuan sang Memorandum 2021-055 sang NEA nga i-revise ang polisa sa Selection, Hiring, Termination of Service/Suspension sa General Managers sang Electric Cooperatives, amo man sa Guidelines sa Conduct sang Examination kag Interview sang mga aplikante.
Kalakip sa revisions ang pagdula sang kinamatarong sang Board of Directors sang electric cooperatives sa pagrekomenda kag pag-appoint sang ila mangin General Manager.
Sa interview sang Bombo Radyo kay Atty. Omar Mayo, deputy administrator sang EC management services sang NEA, iya ginpahayag nga isa ka government kag administrative agency ang ila ahensya nga may yara sang legislative kag adjudicatory power.
Buot silingon, may poder sila sa pag-supervise sa mga electric cooperatives agud mapasangkad ang serbisyo kag operasyon.
