ILOILO– Nagakadapat nga wala sang lamod pamulitika ang pagpili sang mangin benipesyaryo sang Social Amelioration program sang Department of Social Welfare and Development.
Sa interview snag Bombo Radyo kay Provincial Liga ng mga Barangay President Dorothy Paez, iya ginpahayag nga dapat mangin patas ang mga punong barangay kag pilion sang maayo ang mga nagakadapat nga makabatun sang cash assistance.
Suno kay Paez, kaangay niya, iya ginabasehan ang guidelines sang Department of Social Welfare and Development kun sanday sin-o ang kwalipikado nga makabatun sang bulig gikan sa gobyerno.
Ginpahayag ni Paez nga gina-una niya ang mga kubos kag ang mga wala sang palangabuhian.
