ILOILO CITY – Tuman ka importante ang pagplano, pagdisenyo kag pagpasangkad sang learning course kadungan sang pagpatuman sang online classes sa Pilipinas.
Sa Good Morning Philippines program, ginpahayag ni Dr. Rex Sadaba, Professor sang University of the Philippines – Miagao, nga may yara sang high-tech kag low-tech solutions sa pagplano ukon pagdisenyo sang online learning course.
Suno kay Sadaba, indi mahinago nga wala nahaandaan sang maayo ang pagbag-o sang pamaagi sang pagtudlo tuga sang pandemya rason nga kinahanglan gid ang maayo nga pagplano kag pagdisenyo sa paghimo sang learning materials.
Ginpahayag ni Sadaba nga magluwas diri, kinahanglan man nga hibaluon kun paano ini mapatuman sang epektibo rason nga antes pa man ang tanan, dapat anay nga hibaluon ang GOALS, PURPOSE kag ASSESSMENT.
Paagi diri, mahibaluan sang mga manunudlo kun paano itudlo sang maayo ang learning materials.
Sa pihak sang mga pagpanghangkat, ginpahayag sang natungdan nga nagakadapat nga himuon, gamiton kag mangin creative sa paggamit sang tanan nga available resources.
