ILOILO – Ginpabugal ni Police Regional Office 6 Director Police Brigadier General Rene Pamuspusan ang nangin accomplishment sa sulod sang anum ka bulan nga pagserbe niya sa Western Visayas.
Sa iya nangin New Year’s Message sa Kampo Delgado, ginpahayag ni Pamuspusan nga nangin madinalag-on ang kampanya sang Police Regional Office batok sa illegal drugs, loose firearms kag kriminalidad.
Suno kay Pamuspusan, sa pagbuligay sang tanan nga personnel kag sang stakeholders, amat-amat nga masolbar ang problema sa pungsod.
Ginpahayag man ni Pamuspusan nga sang 2019, madamu ang nangin pagpanghangkat kag accoplishment sang Police Regional Office.
Subong nga 2020, ginpahayag sang Regional Director nga lauman nga madamu naman sang pagpanghangkat nga maga-abot apang ini ang malampuwasan paagi sa pagbuligay sang tanan.
Nagalaum man ang natundang nga mapadayon sang Police Regional Office 6 ang excellence in service para sa publiko.
