MOLO, ILOILO CITY – Ginkakibot sang mga residente sang Brgy. San Antonio, Molo, Iloilo City ang pagpositibo sa Coronavirus Disease 2019 (2019) ni Iloilo City Vice Mayor Jeffrey Ganzon
Sa interview sang Bombo Radyo kay Punong Barangay Eric Gallego sang nasambit nga lugar, iya ginpahayag nga ang Bise Alkalde ang labing una nga reported COVID-19 case sa ila lugar.
Bangud sini, nagpatawag na siya sang emergency meeting kaupod sa iya mga barangay tanod para sa nagakaigo nga lihok.
Posible nga subong nga adlaw, Agosto 31, magapatawag naman siya sang emergency meeting sa iban pa nga barangay officials.
Ang subdivision naman kun sa diin naga-istar ang Bise Alkalde ang temporaryo nga gin-lockdown agud hatagan sang ligwa ang pag-quarantine sang pamilya.
