Naglab-ot na sa isa ka semana nga ginatugyan ni Iloilo City Mayor Jerry Treñas ang syudad kay Iloilo City Vice Mayor Jeffrey Ganzon nga nagapungko subong bilang acting Mayor.
Sa interview sang Bombo Radyo kay Mr. Oscar Lim, Head sang Department of the Interior and Local Government (DILG), iya ginpahayag nga tubtob nga wala pa nakabalik si Mayor Treñas, yara sa gihapon ang otoridad sang isa ka alkalde kay Ganzon.
Suno kay Lim, ang sa bahin naman sang pagka-bise alkalde, santo sa gin-issue nga administrative order no. 15 ni Former President Rodrigo Duterte, kon may vacancy sa vice mayor, kinahanglan nga i-designate sang DILG Secretary.
Gin-athag man sini nga tubtob subong, ginahulat na lang sang talatapan ang designation sang central office agud mapungku-an ang nabakante nga pwesto sa pagka-bise alkalde.
Nahibaluan nga nagserbi nga acting Mayor si Ganzon sugod sang nagligad nga semana kasunod sang pagpaidalum ni Mayor Treñas sa bile duct operation.
