Gintalakay man sa ika-siyam nga adlaw sang impeachment trial batok kay Vice President Sara Duterte ang kontrobersyal nga insidente sang iya pagsakit samtang Mayor pa ini sang Davao City sa anay sheriff sang Regional Trial Court (RTC) Branch 16 nga si Abe Andres.
Sa ginpatigayon nga cross-examination ni defense counsel Atty. Mark Vinluan, ginpamangkot niya si NBI Director Melvin Matibag kon nahibaluan bala niya nga ang rason nga ginsakit ni Duterte ang sheriff amo ang iya wala pagpasugot nga maghatag sang duha ka oras nga extension antes ipatuman ang demolition sa amo nga lugar.
Ang nasambit nga extension ginpangayo ni Duterte bilang konsiderasyon sa mga residente nga sadto anay naapektuhan sang bagyo.
Ginpahayag naman ni Matibag nga wala siya sang nahibaluan nahanungod sa kompleto nga detalye sang insidente.
Nahibaluan nga nangin mainit man nga topiko ang pag-atubang ni Andres bilang testigo sa impeachment trial, apang iya gilayon ginpanginwala ini kag nagpangabay nga indi na siya pag-updon sa magahod kag magamo nga pulitika.
