Nagapati si US Secretary of State Antony Blinken nga anuman nga oras, mahimo nga sakupon sang Russia ang Ukraine bisan sa tunga sang nagapadayon nga Beijing Winter Olympics.
Suno kay Blinken, kadamo na sang mga patimaan nga madayon gid ang pagsakop sang Russia sa Ukraine kasunod sang pag-inabot sang linibo ka Russian troops sa Ukrainian border.
Sandig sa new intelligence sang US, posible nga atakehon sang Russia ang Ukraine bag-o pa man magtakop ang Olympiada sa China.
Pahayag ni Blinken, nagapakig-angot na ang US embassy sa Ukrainian capital sa Kyiv kag anuman nga oras, magapatigayon ang Estados Unidos sang repatriation.
Una na nga nag-warning si US President Joe Biden sa mga American citizens nga sa tion sang Russian assault ukon invasion, indi siya magpadala sang tropa sa Ukraine agud i-rescue ang nabilin nga Americans nga nagpakatig-a nga magbiya sa pungsod.
