ILOILO CITY – Nagapati si anay Department of Health (DOH) Sec. Janette Garin nga amat-amat na nga nagabalik ang pagsalig sang publiko sa DOH matapos ang natabo nga dengvaxia controversy.
Sa exclusive interview sang Bombo Radyo kay Sec. Garin, iya ginpahayag nga madamu sang factors kun nga-a amat-amat na nga nagabalik ang pagsalig sang publiko sa nasambit nga ahensya.
Sa nakaligad nga duha ka tuig suno kay Garin, indi man mahinago nga may yara sang outbreak sang balati-an bangud nga nagapamalibad ang mga tawo nga magpabakuna.
Bangud nga amat-amat naman nga nagaguwa ang kamatuoran, ginpahayag ni Garin nga nadula naman ang pagpangduha-duha sang publiko sa vaccination program sang DOH.
Nagasalig naman ang anay tiglikum nga sa bulig sang tanan nga government agencies, makabangon ang ahensya gikan sa kontrobersiya.
