Nangin mahilway ang pagsaulog sang bag-ong tuig sa siyudad sang Iloilo.
Suno kay Police Major Shiela Mae Sangrines, spokesperson sang Iloilo City Police Office, wala sang daku nga insidente nga na-record ukon ginrespondehan ang mga kapulisan.
Ginpahayag niya nga daku nga bulig sa kalinong ang pagkumpiska sang ginadumilian nga palupok.
May yara naman san kabug-usan nga 843 ka mga ilegal nga palupok, kag 47 nga boga nga ginabanta nagabalor P34,900 pesos, ang nakuha sang pulisya sa siyudad.
Nagpasalig ang ICPO nga magapadayon ang ila operasyon sa pagmentenar sang kalinong, ilabi na sa nagahilapit nga Dinagyang Festival kag ASEAN Summit 2026.
