ILOILO CITY–Ginaduso ni Iloilo City Councilor Joshua Alim ang pagtalana sang National Lapaz Batchoy Day sa syudad sang Iloilo.
Sa session sa Iloilo City Council, ginpahayag ni Alim nga dapat nga magtalana sang adlaw sa pagsaulog sang mga intangible cultural heritage kasubong sang ginapabugal nga pagkaon sa syudad.
Indi man mahinago suno kay Alim nga kilala ang syudad sang Iloilo sa Lapaz Batchoy.
Magluwas diri, kilala man ang syudad sa Pancit Molo.
Santo sa pagpanalawsaw ni Alim, may yara sang food festival nga ginapatigayon sa iban nga lugar sa pungsod.
Pila lamang diri suno sa Konsehal amo ang Longanisa Festival sa Vigan, Ilocos Sur, Suman festival sa Baler, Aurora, Mangahan Festival sa Guimaras, Kesong Puti Festival sa Sta. Cruz, Laguna kag Bawang Festival sa Sinait, Ilocos Sur.
Kuntani suno sa Konsehal paboran sang Department of Tourism (DOT) ang iya ginaduso.